Ibyavuye muri ubu bushakashatsi byatangajwe ku wa Gatatu, tariki ya 14 Ukwakira, bigaragaza ko Flavio Bolsonaro ashyigikiwe na 46% by’ababajijwe, mu gihe Lula ashyigikiwe na 44%.

Flavio ni umuhungu mukuru wa Jair Bolsonaro wahoze ari Perezida wa Brésil.

Nubwo imibare ishyira Flavio imbere, ikinyuranyo kiri hagati ye na Lula ntigihagije kugira ngo hemezwe ko hari urusha undi mu buryo bugaragara. Impamvu ni uko ubu bushakashatsi bufite igipimo gishobora kongera cyangwa kugabanya amanota abiri ku ijana.

Bituma mu mibare y’ubushakashatsi, aba bakandida bafatwa nk’abanganya amahirwe.

Ni bwo bushakashatsi bwa mbere Quaest itangaje kuva icyiciro cya mbere cy’amatora cyaba mu ntangiriro z’uku kwezi. Muri icyo cyiciro, Flavio Bolsonaro yatunguye benshi aza imbere ya Lula.

Mu babajijwe, 9% bavuze ko bazatora impapuro zitanditseho umukandida, bakangiza amajwi yabo cyangwa ntibatore. Abandi 1% bari batarafata umwanzuro ku wo bazatora.

Quaest yakoze ubu bushakashatsi ibaza abantu 2.154 hagati ya tariki ya 10 n’iya 13 Ukwakira.

Senateri Flavio Bolsonaro arusha amahirwe make Perezida wa Brésil, Luiz Inacio Lula da Silva yo gutorerwa kuyobora igihugu