Ibikomoka ku buhinzi n’ubworozi byinjirije u Rwanda miliyoni 13,8$ mu minsi itanu

00:00:00 IGIHE NETWORK

KINYARWANDA

ENGLISH

FRANCAIS

Ibikomoka ku buhinzi n’ubworozi byinjirije u Rwanda miliyoni 13,8$ mu minsi itanu

Yanditswe na

Kuya 16 October 2026 saa 08:46

Yasuwe :

Yavuzweho:

Ikigo cy’Igihugu gishinzwe guteza imbere ibyoherezwa mu mahanga bikomoka ku buhinzi n’ubworozi, NAEB, cyatangaje ko hagati ya tariki ya 5 n’iya 9 Ukwakira 2026, u Rwanda rwohereje mu mahanga toni 9.412 z’ibikomoka ku buhinzi n’ubworozi, byinjije miliyoni 13,8$.

Mu mibare yatangajwe na NAEB, ikawa ni yo yinjije amafaranga menshi, aho toni 660 zoherejwe mu mahanga zinjije 5.730.628$.

Yakurikiwe n’ibindi bicuruzwa bitandukanye bikomoka ku buhinzi, byinjije miliyoni 5,5$ bivuye kuri toni 7.275 zoherejwe mu mahanga. Mu masoko byoherejwemo harimo Leta Zunze Ubumwe z’Abarabu, Bangladesh n’ibihugu byo muri Afurika.

Icyayi cyinjije 790.098$ avuye kuri toni 265 zoherejwe mu mahanga, mu gihe toni 483 z’imbuto zinjije 604.174$. Izo mbuto zoherejwe muri Oman, Leta Zunze Ubumwe z’Abarabu no mu bihugu byo muri Afurika.

Imboga zoherejwe mu mahanga zari toni 460, zinjiza 594.215$. Mu masoko zoherejwemo harimo u Bushinwa, u Bwongereza, u Bufaransa, u Buholandi, El Salvador, u Budage, Leta Zunze Ubumwe z’Abarabu, u Bubiligi n’ibihugu byo muri Afurika.

Ku bijyanye n’ibikomoka ku bworozi, toni 241 zoherejwe mu bihugu bya Afurika zinjije 429.006$.

Indabo zo zinjije 110.963$ avuye kuri toni 28 zoherejwe mu mahanga. Amasoko yazo arimo Nigeria, Afurika y’Epfo, u Buholandi, u Bubiligi n’u Bwongereza.